Ekologııa mınıstri Túrkistan oblysynda sý tasqynynan keıin atqarylyp jatqan jumastarmen tanysty

TÚRKІSTAN. QazAqparat - QR ekologııa, geologııa jáne tabıǵı resýrstar mınıstri Maǵzum Myrzaǵalıev jumys saparymen Túrkistan oblysynda boldy, dep habarlaıdy QazAqparat mınıstrliktiń Facebook paraqshasyna silteme jasap.

Sapar aıasynda mınıstr Sadoba sý qoımasyndaǵy apattan keıin aımaqtaǵy nysandardy qalypqa keltirý jáne jóndeý jumystarynyń barysymen tanysty.

«Óńirde sýarmaly jerlerdiń kólemin arttyrý boıynsha qarqyndy jumystar júrgizilýde. Osy maqsatta jalpy uzyndyǵy 736 shaqyrym bolatyn 122 kanaldy jóndeý jáne qaıta salý syndy aýqymdy jumys júrgizilýde. Bul jumystarǵa 1500-den adam jumyldyrylǵan. Taǵy myńnan astam qosymsha jumys oryndary ashylady», dep jazdy mınıstr óziniń Twitter-degi paraqshasynda.

Atap ótsek, bul aýyl-sharýashylyǵy ónimderin óndirýshilerdi sýmen qamtýǵa arnalǵan strategııalyq mańyzǵa ıe jumystar. Onyń tolyqqandy júzege asyrylýy oblystaǵy aýyl-sharýashylyǵy ónimderi kóleminiń artýyna jol ashpaq. Aýyl turǵyndary aýyz sýmen qamtylady. Sondaı-aq memleket jekelegen kókónis túrleri boıynsha ımportqa táýeldilikten arylady.