Ekologııa mınıstri: Prezıdent janýarlarǵa jaýapkershilikpen qaraý týraly zań jobasyn ázirleýdi tapsyrdy
Ekologııa, geologııa jáne tabıǵı resýrstar mınıstri Maǵzum Myrzaǵalıev Twitter paraqshasynda janýarlarlardyń adam aldynda qanshalyqty qorǵansyz ekenin eske saldy.
«Ókinishke qaraı, janýarlarǵa jasalatyn qatygezdik, brakonerlik oqıǵalaryna jıi kýá bolamyz. Jaǵdaıdy ózgertý úshin QR Prezıdenti Qasym-Jomart Toqaev Ekologııa mınıstrligine «Janýarlarǵa jaýapkershilikpen qaraý týraly» zań jobasyn ázirleýdi tapsyrdy»,- dedi mınıstr.
Mınıstr adamgershilik sezimin qalyptastyrýdyń asa mańyzdy ekenin jetkizdi.
«Árıne, zań janýarlarǵa degen kózqarasty bir sátte ózgerte salmaıdy. Bárinen buryn adamdarǵa janýarlar álemine degen mahabbat, izgilik sezimlerin uıalatyp, qorshaǵan ortany sanaly túrde qabyldaýǵa úıretý kerek»,- deıdi M. Myrzaǵalıev.
Aıta keteıik, Búkilálemdik janýarlardy qorǵaý kúni Qazaqstanda 2009 jyldan beri atalyp ótedi.