Ekologııa mınıstri: Qyzmettik kóligimdi «elektrokarǵa» aýystyrýǵa daıynmyn

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide QR Ekologııa, geologııa jáne tabıǵı resýrstar mınıstri Serikqalı Brekeshev nege ekologııalyq zardaby az kólik paıdalanbaı júrgenin túsindirdi, dep habarlaıdy QazAqparat tilshisi.

«Siz Ekologııa mınıstrligin qyrkúıek aıynan beri basqaryp kelesiz. Іs júzinde úsh aı ýaqyt ótti. Biraq qazaqstandyqtar jeke ózińiz usynǵan«jasyl» bastamalaryńyzdy áli kórgen joq. Mysaly, qyzmet barysynda gazben júretin avtokólik paıdalanýdy josparlap otyrsyz ba? Nege mınıstr áriptesterińizge úlgi kórsetpeske?», -dep surady jıynda BAQ ókili.

Vedomstvo basshysy bul másele QR Prezıdenti is basqarmasynyń garajyndaǵy kólikterdiń túrine baılanysty ekenin túsindirdi.

«Bizdiń mınıstrliktiń menshiginde avtokólik joq. Biz paıdalanyp júrgen kólik QR Prezıdentiniń is basqarmasy garajynan jalǵa alynady. Sondyqtan, eger olarda siz aıtqan talaptarǵa saı gazben júretin kólikter bolsa, gazben júretin kólikke nemese «elektrokarǵa» kóshýge daıynbyz. Ázirge bizdiń mınıstrliktiń menshiginde qyzmettik kólikter joq», - dedi Serikqalı Brekeshev.