Ekologııa mınıstri qyrǵyz əriptesterimen sý yntymaqtastyǵy məselesin talqylady
Mınıstrdiń sapary Memleket basshysy Qasym-Jomart Toqaevtyń Qyrǵyzstanǵa jýyrdaǵy memlekettik saparynan keıin ótkizildi. Ol Qazaqstan Prezıdentiniń Qyrǵyzstan prezıdenti Sooronbaı Jeenbekovpen kezdesýinde kóterilgen sý salasyndaǵy birqatar məselelerdi sheshý qajettiliginen týyndady.
Bishkekke sapary barysynda M. Myrzaǵalıev Qyrǵyzstan Respýblıkasynyń birinshi premer-mınıstri Kýbatbek Boronovpen, Jogorký Kenesh tóraǵasy Dastanbek Djýmabekovpen, sondaı-aq Qyrǵyz Respýblıkasy úkimeti janyndaǵy memlekettik Sý resýrstary agenttiginiń dırektory Kokýmbek Tashtanalıevpen kezdesti.
Kelissózder barysynda Ekologııa mınıstrligi basshysy Qazaqstannyń Tuńǵysh Prezıdenti Nursultan Nazarbaevtyń Ortalyq-Azııalyq sý-energetıkalyq konsortsıým qurý týraly bastamasyn bishkektik əriptesterdiń esine salyp, oǵan qaıta oralýdy, birlese kúsh salýdy iske asyrý múmkindigin usyndy.
Sondaı-aq M. Myrzaǵalıev Qyrǵyz Respýblıkasynyń Halyqaralyq Araldy qutqarý qoryndaǵy (HAQQ) yntymaqtastyǵyn qaıta jańǵyrtý məselesin kóterdi.
Bishkek 2015 jyldan bastap, óziniń HAQQ pen onyń organdaryna qatysýyn shekteı turǵan bolatyn.
«Biz tek birlese kúsh salýdyń arqasynda ǵana Aral sý alabynyń transshekaralyq ózenderiniń sý-energetıkalyq resýrstaryn ortaq paıdalaný məselesi sekildi kúrdeli problemany oń sheshý múmkin bolatynyna kóz jetkizýdemiz. Tıimdilikti kúsheıtý maqsatynda onyń qyzmetin jetildirý boıynsha is-sharalar belgilengen. Qazaqstan qyrǵyzdyq taraptyń bul məsele jónindegi usynystaryn talqylap, keńester berýge daıyn»,- dedi Qazaqstannyń Ekologııa, geologııa jəne tabıǵı resýrstar mınıstri.
Mınıstr sondaı-aq Shý ózeni sý alabyna qyrǵyzdyq taraptyń sý berý kestesi týraly məsele kóterdi. Onyń aıtýynsha, bul məseleni sheshý maqsatynda onlaın-rejimde gıdrologııalyq derekterdi almasý júıesin engizý qajet.
«Bul məseleniń aıqyn júrgizilýi sý sharýashylyǵy salasyndaǵy ózara senimdi arttyryp, yntymaqtastyqty kúsheıtedi», - dedi M. Myrzaǵalıev.
Taraptar sondaı-aq Syrdarııa ózeni sý alabynyń sý-energetıkalyq resýrstaryn paıdalaný men Qazaqstan men Qyrǵyzstan arasyndaǵy sý qatynastarynyń basqa da məseleleri jónindegi ekijaqty yntymaqtastyqty keńeıtý usynystaryn əzirleý boıynsha jumys tobynyń qyzmetin talqylady. Qazaqstan tarapynan bul jumys tobyn Ekologııa, geologııa jəne tabıǵı resýrstar vıtse-mınıstri Sergeı Nıkolaevıch Gromov basqardy.
Ekologııa mınıstrligi basshysy qyrǵyzdyq əriptesterge tıisti memlekettik organnyń osy jumys tobyndaǵy laýazymdy tulǵasyn belgileýdi, sondaı-aq taıaý ýaqytta onyń birinshi otyrysyn ótkizýdi usyndy.
Kezdesýge qatysýshylar sondaı-aq Syrdarııa ózeniniń sý alabyndaǵy sý sharýashylyǵynyń jaǵdaıyn da qozǵady.