Ekologııa mınıstri qazaqstandyqtardy sýdy únemdeýge shaqyrdy

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev sý sharýashylyǵy qyzmetkerlerin kásibı merekesimen quttyqtady, dep habarlaıdy QazAqparat.

«Sý sharýashylyǵy qyzmetkerlerin kásibı merekelerimen quttyqtaımyn! Bul salada óziniń bilimi men tájirıbesin, kásibine degen qurmetti urpaqtan-urpaqqa jetkizip kele jatqan otbasylyq eńbek áýleti kóptep tabylady. Sala ardagerleri men mamandarǵa adal eńbekteri úshin rızashylyq bildirgim keledi», - dep jazdy M. Myrzaǵalıev Twitter-degi óz paraqshasynda.

Sonymen birge, mınıstr memleket sý sharýashylyǵyn damytýǵa basa nazar aýdaratynyn atap ótti.

«Prezıdenttiń tapsyrmasy boıynsha memlekettik baǵdarlama ázirlenip, mańyzdy mindetter iske asyrylýda. Salanyń barsha qyzmetkerlerine zor densaýlyq, shańyraqtaryna bereke, jumystaryna tabys tileımin! Qazaqstandyqtardy sýdy únemdeýge shaqyramyn!», - dedi mınıstr.