Ekologııa mınıstri qant qyzylshasyn sýarýǵa qatysty alańdaýshylyq bildirdi

ASTANA. QazAqparat – Ekologııa jáne tabıǵı resýrstar mınıstri Zúlfııa Súleımenova aýyl sharýashylyǵy ónimderin sýarýǵa qatysty pikir bildirdi, dep habarlaıdy QazAqparat tilshisi.

«Sý tapshylyǵyna qatysty jaǵdaı qıyn. Degenmen bıyl vegetatsııalyq kezeńniń aıaqtalǵanyn atap ótken jón. Shilde aıynda biz muzdyqtardyń erý jaǵdaıy ózgermese jáne qarqyndy erý men joǵary aǵyn bolmasa, aýyl sharýashylyǵy daqyldary boıynsha jekeshelendirýdi kezeń-kezeńimen júrgizetinimizdi aıttyq.

Endigi másele qant qyzylshasyna qatysty bolyp otyr. Qant qyzylshasy sýdy kóp kólemde qajet etedi. Ony qazan aıyna deıin sýaryp otyrý kerek. Sondyqtan bul jerde másele tek sý kóleminiń azaıýymen ǵana emes, sýdy kóp talap etýinde bolyp otyr. Jalpy aýyl sharýashylyǵynda sýdy kóp qajet etetin ónimder bar», - dedi Zúlfııa Súleımenova Úkimet otyrysynan keıin BAQ ókilderiniń saýalyna jaýap bere turyp.