Ekologııa mınıstri IX Neva halyqaralyq ekologııalyq kongresiniń jumysyna qatysty

NUR-SULTAN. QazAqparat - Bıylǵy jyldyń 27-28 mamyrynda Sankt-Peterbýrg qalasynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev IX Neva halyqaralyq ekologııalyq kongresiniń jumysyna qatysty, - dep habarlaıdy QazAqparat mınıstrliktiń baspasóz qyzmetine silteme jasap.

Kongress sheńberinde sý resýrstaryn basqarý, tuıyq tsıkl ekonomıkasy, klımattyq saıasat, ekologııalyq qaýipsizdik jáne «jasyl energetıka» máselelerin talqylaý maqstynda dóńgelek ústelder ótkizildi.

Kongress jyl saıyn ótedi jáne memlekettik organdardyń, isker toptardyń, bilim berý jáne ǵylymı-zertteý mekemeleriniń ókilderi úshin pikirtalas alańy bolyp tabylady.

M.Myrzaǵalıev «Ekologııa jáne qorshaǵan ortany qorǵaý salasyndaǵy ulttyq strategııalar men jobalar» taqyrypqa arnalǵan dóńgelek ústelge qatysyp, onyń barysynda Qazaqstanda júrgizilgen ekologııalyq zańnama reformasy týraly aıtyp ótti.

Sonymen qatar, M.Myrzaǵalıev Kongrestiń joǵarǵy deńgeıdegi plenarlyq otyrysyna qatysty.

Óz baıandamasynda Mınıstr klımattyq saıasatty jaqsartý, jerdiń qurǵaýy men tozýynyń aldyn alý boıynsha qabyldanyp jatqan sharalar, sondaı-aq, Aral óńiri men Kaspıı teńiziniń ekologııalyq máselelerin keshendi sheshý týraly, bıoalýantúrlilikti saqtaý jáne ormandardy kóbeıtý týraly máselelerin atap ótti.

Osymen birge, Neva hlyqaralyq ekologııalyq kongresine oraı tal otyrǵyzýǵa arnalǵan ekologııalyq naýqan uıymdastyryldy.

Sondaı-aq, Kongress aıasynda M. Myrzaǵalıev RF Tabıǵı resýrstar jáne ekologııa mınıstri A. Kozlovpen, Reseı Federatsııasy Prezıdentiniń Keńesshisi, Reseı Federatsııasy Prezıdentiniń klımat máseleleri jónindegi arnaıy ókili R. Edelgerıevpen, Reseı Federatsııasy sý resýrstary Federaldy Agenttiginiń basshysy D. Kırıllovpen jáne Belarýs Respýblıkasynyń Tabıǵı resýrstar jáne qorshaǵan ortany qorǵaý mınıstri A. Hýdykpen birqatar ekijaqty kezdesýlerdi ótkizdi.