Ekologııa mınıstri ıtbalyqtyń qyrylýyna qatysty túsinik berdi

ASTANA. QazAqparat – Búgin Parlament Májilisindegi Úkimet saǵatynda QR Ekologııa, geologııa jáne tabıǵı resýrstar mınıstri Serikqalı Brekeshev Kaspıı teńizinde ıtbalyqtyń qyrylýyna qatysty zertteý jumystary bir aıdyń ishinde jarııalanatynyn aıtty, dep habarlaıdy QazAqparat tilshisi.

«7 qarashada ıtbalyqtardyń qyrylýy deregi tirkeldi. Olardyń sany 141-ge jetti. Dereý sharalar qabyldanyp, memlekettik organdar qatarynan komıssııa quryldy. Itbalyq ólekselerin zertteý jumystary júrgizildi», - dedi S. Brekeshev.

Osy oraıda ol bir aıdyń ishinde zertteý nátıjesi jarııalanatynyn aıtty.

«Mamandar kúkirtti sýteginiń bólinýi ınbalyqtarǵa áser etýi múmkin degendi aıtyp otyr. Tynys alý úshin ıtbalyqtar sý betine shyǵady. Osy oraıda bul ıtbalyqtardyń ólimine áser etken qandaı da bir gazdyń bólinýi bolýy yqtımal. Bizdegi málimet boıynsha Kaspıı teńizinde 300 myńnan astam ıtbalyq bar. Biz tıisti qoryqty qurý, sondaı-aq Kaspıı teńizi jáne bıoalýantúrlilik máseleleri jónindegi memlekettik ınstıtýtty uıymdastyrý jumystaryn júrgizip jatyrmyz», - dedi mınıstr.

Budan buryn habarlanǵandaı, jaqynda Kaspıı jaǵalaýynan 100-den astam ıtbalyqtyń óleksesi tabyldy.

Foto: f.vividscreen.info