Ekologııa mınıstri eldegi sý tapshylyǵy máselesi týraly aıtty

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev elimizdegi sý tapshylyǵy máselesi týraly aıtty, dep habarlaıdy QazAqparat tilshisi.

«Bıyl sý tapshylyǵyna máselesi qıyn jaǵdaıdy kórsetti. Bastysy qanshama qıynshylyqtarǵa qaramastan vegetatsııa kezeńindegi jaǵdaı turaqty. Degenmen sý máselesi qashanda bizdiń basty nazarda», - dedi M. Myrzaǵalıev.

Aıta ketsek, búgin Ekologııa mınıstri ÚEU ókilderi jáne eko-belsendilermen birge elimizdegi sý sharýashylyǵy salasyna qatysty máselelerge arnalǵan onlaın kezdesý ótkizdi.

Aldymen M. Myrzaǵalıev egin maýsymynda otandyq fermerlerdi sýmen qamtý máselesiniń qalaı sheshilip jatqany týraly aıtyp berdi.

«Fermerlerdi sýmen qamtamasyz etý maqsatynda biz kelesi jumystardy júrgizemiz. Birinshiden, kórshi eldermen qarym-qatynas. Syrdarııa ózeni boıynsha biz Qyrǵyz elimen qosymsha sý aǵyzý týraly kelisimge keldik. Vegetatsııa shyńynda (maýsym-tamyz) Toqtoǵul sý qoımasynan qosymsha 330 mıllıon tekshe metr sý qory bolady. Dál osyndaı sý kólemin Ózbekstan aýmaǵy arqyly ótkizý týraly da ýaǵdalastyqqa qol jetkizildi. Sondaı-aq, tájik jáne ózbek taraptarymen birlesip, bıyl 16 maýsymda «Bahrı Tochık» sý qoımasynyń jumys rejımin kelisý boıynsha maýsym-tamyz kezeńine arnalǵan jumys keńesiniń hattamasyna qol qoıyldy», - deıdi ol.

Odan bólek, mınıstr elimizde qanshasý qory baryn jetkizdi.