Ekologııa mınıstri eldegi delfınarıılerdi jabý máselesin qarastyryp jatyr

NUR-SULTAN. QazAqparat - Ekologııa mınıstrligi delfınarılerdiń jabylýy týraly qazaqstandyq tabıǵat qorǵaýshylaryń usynysyn qarastyratyn bolady. Bul týraly búgi QR Ekologııa, geologııa jáne tabıǵı resýrstar mınıstri Maǵzum Myrzaǵalıev óziniń Twitter-degi parashasynda jazdy, dep habarlaıdy QazAqparat.

Mınıstrdiń jazýynsha, ol tabıǵat janashyrlarynyń delfınderdi ustaý jaǵdaıyna degen alańdaýshylyǵyn eskere otyryp, «Jan-janýarlarǵa jaýapkershilikpen qaraý» zańnamasynyń sheńberinde jabý máselesin qarastyrady.

«Bul aıaq astynan paıda bolǵan másele emes. Sondyqtan onyń sheshilýi úshin belgili bir ýaqyt kerek. Halyqaralyq tájirıbeler eskerilýi qajet. «Janýarlarǵa jaýapkershilikpen qaraý» týraly zańnyń jobasynda dál osy gýmanızm prıntsıpteri negiz bolady. Mınıstrlik atynan osy máselege alańdaýshylyq bildirip, azamattyq ustanymyn tanytqan adamdarǵa alǵysymyzdy aıtamyz»,-dep jazdy Maǵzum Myrzaǵalıev.