Ekologııa mınıstri Almatyda aǵashtardyń otalýyna qatysty: Mundaıǵa jol berýge bolmaıdy
«Keshe biz Almatyda aǵashtardy jabaıylyqpen kesý faktisine kýá boldyq. Oqıǵanyń qoǵam ashýyn týdyrýy oryndy. Mundaı jaǵdaılarǵa jol berýge bolmaıdy!
Qazir elimiz boıynsha atmosferalyq aýanyń ahýalyn jaqsartý boıynsha úlken jumys júrgizilip jatyr, Ekokodeks qabyldanyp jatyr, Prezıdent 2 mlrd-tan astam aǵash egýge tapsyrma berdi. Qaýym bolyp jumylyp, bir maqsat jolynda jumys istep jatqanda, zańsyz aǵash kesý jaǵdaıy tipten orynsyz», - dedi Maǵzum Myrzaǵalıev .
Mınıstr bıyl Memleket basshysynyń tapsyrmasymen aǵash kesýge qatysty jaýapkershilikti arttyrý boıynsha Zańǵa ózgerister engizilgenin atap ótti.
«Onyń ishinde, 1 aǵash kesilse, ornyna 10 aǵash egý ótemaqysy engizildi, aıyppul kólemi eki ese artty. Tabıǵı resýrstarymyzǵa uqypty qaraýǵa shaqyramyn. Bir aǵash jaıqalyp ósýi úshin ondaǵan jyldar kerek. Keleshegimiz bizdiń ekologııalyq mádenıetimizdiń deńgeıine tikeleı baılanysty», - dedi Maǵzum Myrzaǵalıev.
Prezıdent Qasym-Jomart Toqaev Almaty qalasy Tóle bı kóshesindegi aǵashtardyń otalǵanyna qatysty jaǵdaıǵa nazar aýdarǵan edi.
Eske sala ketsek, 23 qarashada túnde Almatyda saýda úıiniń janyndaǵy jaıqalǵan emen men qaraǵash otaldy. Bul týraly turǵyndar áleýmettik jelide narazylyq bildirdi.
«Qazir aýdan ákimdigi men Polıtsııa Departamenti kesilgen aǵashtardyń tuqymy men sapasyn anyqtaý úshin oqıǵa ornynda jumys istep jatyr. Aıypty tulǵalar anyqtalǵan soń Polıtsııa Departamenti olardy jaýapkershilikke tartady. Tolyǵyraq aqparatty anyqtaý jumystary aıaqtalǵan soń jarııalaımyz», - dep málim etti qala ákimdigi.
Keıin Almaty qalalyq Jasyl ekonomıka basqarmasy saýda úıiniń aldyndaǵy aǵashtardyń jappaı kesilýiniń mán-jaıyn anyqtady. Sulpak merdigerleri - «Sakýra» JK dırektory A.Chertıhınaǵa 55 560 teńge aıyppul salynyp, «Bóribekova» JK-ne 83 340 teńgege ákimshilik hattama toltyryldy.
Sondaı-aq, Almaty prokýratýrasy «Sulpak» dúkenine irgeles aýmaqty abattandyrý kezinde jeke kásipkerdiń aǵashty zańsyz kesýin tekserýge kiristi.