Ekologııa mınıstri ormanshylardyń jalaqysyn kóterýge qatysty túsinik berdi

<p>ASTANA. KAZINFORM &mdash; Orman órt sóndirý stantsııalarynyń barlyq qyzmetkerlerine 100% qosymsha aqy tóleý maqsatynda Úkimet qaýlysynyń jobasy ázirlendi. Bul týraly Parlament Májilisinde ormandy qorǵaý taqyrybyna arnalǵan Úkimet saǵatynda QR Ekologııa jáne tabıǵı resýrstar mınıstri Erlan Nysanbaev aıtty.</p>

«Áleýmettik máseleni sheshý aıasynda byltyr 1 shildeden bastap memlekettik orman kúzeti qyzmetkerlerine laýazymdyq eńbekaqynyń 100% mólsherinde qosymsha aqy tóleý belgilendi. Memlekettik orman kúzeti qyzmetkerleriniń ortasha jalaqysy 129 myńnan 250 myń teńgege deıin ulǵaıdy», - dedi E. Nysanbaev.

Onyń atýynsha, qalǵan qyzmetkerlerge (ekonomıster, býhgalterler jáne orman órt sóndirý stantsııalarynyń qyzmetkerleri: traktorshylar, júrgizýshiler, orman órt sóndirýshileri, radıst-telefonshylar) Mınıstrlik pen kásipodaq arasyndaǵy Kelisim sheńberinde ótken jyly 75% qosymsha aqy qarastyryldy.

«Sonymen qatar, orman órt sóndirý stantsııalarynyń barlyq qyzmetkerlerine 100% qosymsha aqy tóleý maqsatynda Úkimet qaýlysynyń jobasy ázirlendi. Joba ýákiletti organdarmen aldyn ala kelisildi», - dedi mınıstr.