Ekologııa mınıstri qoqys polıgondaryna qoıylatyn talaptardy jeńildetýdi usyndy

<p>ASTANA. KAZINFORM &ndash; Ekologııa jáne tabıǵı resýrstar mınıstri Erlan Nysanbaev Májiliste ótip jatqan qorshaǵan ortany qorǵaý týraly dóńgelek ústelde qoqys polıgondaryna qoıylatyn ekologııalyq talaptardy jeńildetýdi usyndy.</p>

«Búgingi tańda respýblıka boıynsha 3 myńnan astam qatty turmystyq qaldyqtar polıgony bar, olardyń 619-nyń (21%) tıisti jobalyq jáne ruqsat berý qujattary bar. Polıgondardyń jáne qoqys oryndarynyń kópshiligi asyra toltyrylǵan jáne qalpyna keltirýdi qajet etedi. Ekologııalyq jáne sanıtarııalyq-epıdemıologııalyq normalarǵa sáıkes keletin polıgondardyń eń az úlesi Pavlodar, Abaı, Soltústik Qazaqstan oblystarynda», - dedi Erlan Nysanbaev.

Mınıstr atalǵan polıgondardy zańdastyrý aıtarlyqtaı qarajatty talap etetinin aıtady.

«Osyǵan baılanysty, mınıstrlik qoldanystaǵy qatty turmystyq qaldyqtar polıgondaryna qoıylatyn ekologııalyq talaptardy bir rettik ońaılatý tetigin ázirledi. Bul mehanızm ákimdikterge qoldanystaǵy qatty turmystyq qaldyqtar polıgondaryn zańdastyrýǵa jáne memlekettik bıýdjetke artyq júkteme túsirmeýge, aýmaqtardyń aǵymdaǵy sanıtarlyq jaǵdaıyn jaqsartýǵa múmkindik beredi. Mınıstrlik Ekologııa kodeksine atalǵan baǵytta tıisti túzetýler jobasyn sizderge usynady», - dedi vedomstvo basshysy.

Osyǵan deıin mınıstrdiń qorshaǵan ortany qorǵaý josparyn oryndamaǵan ákimderdi zańmen jazalaýdy usynǵanyn jazdyq.