Ekologııa mınıstri áýesqoılarǵa kıik atqyzý týraly: Ańshylyq ujymdardan usynys kóp

<p>ASTANA. KAZINFORM &ndash; Ekologııa jáne tabıǵı resýrstar mınıstri Erlan Nysanbaev ortalyq kommýnıkatsııalar qyzmetinde ótken brıfıngte 2025 jyly kıik atýǵa áýesqoı ańshylar da tartylatynyn rastady.</p>

«Kıik atýǵa áýesqoı ańshylar tartylatyny týraly aqparat tarap jatyr. Osyǵan ne deısiz?» — dep surady jýrnalıst.

«Iá, jyl basynda kóptegen usynystar tústi. Biraq soǵan qaramastan biz kıikti áýesqoı, sporttyq baǵytta atýǵa ruqsat bermedik. Bıyl tek retteý sheńberinde ǵana „Ohotzooprom“ degen mekemeniń kúshimen retteý jumysyn bastap ketti», — dedi vedomstvo basshysy.

Mınıstr kelesi jyly mundaı usynystar ańshylyq ujymdardan kóp túskenin aıtady.

«Biraq kelesi jyly kóptegen normatıvtik-quqyqtyq aktilerge ózgertýler engizip jatyrmyz. Ańshylyq ujymdardan kóptegen usynystardyń bárin toptap, sodan bir jaqsy jalpy erejeni ázirlep jatyrmyz. Kelesi jylǵa kıikke áýesqoı sport ańshylyqty ashýǵa ázirlenip jatyrmyz. Ony ashyp aıtý kerek», — dedi Erlan Nysanbaev.