Ekologııa departamenti murjasynan aqaý shyqqan Ekibastuz elektr stansasyn tekserip jatyr

<p>PAVLODAR. KAZINFORM — Pavlodar oblystyq ekologııa departamenti Bolat Nurjanov atyndaǵy Ekibastuz № 1 memlekettik aımaqtyq elektr stansasyn tekserip jatqanyn málimdedi. Jaqynda kásiporyn murjasynan aqaý shyǵyp, № 3 energııa blogy ýaqytsha toqtatylǵan edi.</p>

Óńirlik ekologııa departamenti tekserýge memlekettik aımaqtyq elektr stansasynda shań-tozań burqyrap, № 3 energııa blogynyń kenetten toqtaǵany sebep bolǵanyn habarlady.

— Ekibastuz MAES-1 stansasynda tútin murjasynyń oqpanyndaǵy qaraý lıýkterinen tútin gazdarynyń qysqa merzimge shyǵýy baıqaldy. Qazirgi ýaqytta bolǵan oqıǵanyń sebepterin anyqtaý úshin obektige tekserý júrgizilip jatyr. Osy fakti boıynsha QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Pavlodar oblysy boıynsha departamenti «Bolat Nurjanov atyndaǵy Ekibastuz GRES-1» JShS qatysty tekserýdi tirkedi. Ekologııa departamentiniń memlekettik ekologııalyq baqylaý jáne zerthanalyq-taldamalyq baqylaý bóliminiń qyzmetkerleri tekserý is-sharalary men zerthanalyq zertteýler júrgizý úshin oqıǵa ornyna bardy. Qabyldanǵan sharalar týraly qosymsha habarlanatyn bolady, — dep habarlady departamentten.

Eske sala keteıik, Ekibastuz № 1 MAES stansasynda bir energııa blogy kenetten jumysyn toqtatty.

Ekibastuz elektr stansasyndaǵy apatqa baılanysty mınıstrlik túsinikteme berdi.

Búginde atalǵan kásiporyn eldegi elektr energııasynyń 20 paıyzyn berip otyr.