Ekolog Mels Eleýsizov qazaqstandyqtardy aǵash otyrǵyzýǵa shaqyrdy

ALMATY. QazAqparat - Almatyda 5 sáýirde «Tabıǵat» ekologııalyq odaǵynyń bastamasymen dástúrli aǵash otyrǵyzý aktsııasy ótedi. Bul týraly búgin baspasóz máslıhatynda ekoodaq tóraǵasy Mels Eleýsizov aıtty.

«Aǵashtar Raıymbek kentinde, Almaty-Bishkek kúrejolynyń 15-shaqyrymynda otyrǵyzylady. Onda landshaftylyq saıabaq jasaý kózdelýde, bul ońaı emes. Bul araǵa jeke úı salǵysy keletin qurylysshylar da kóz tigip otyr», - dedi tanymal ekolog.

Ol elimizde aǵashqa nemquraıdy qaraý etek alǵanyn qynjylyspen áńgińmeledi. «Aıtalyq, biz ótken jyly otyrǵan kóshetterdiń jartysy qazirdiń ózinde qaskóılikpen joıylǵan», - dep málimdedi M.Eleýsizov.

Ol sondaı-aq árbir qazaqstandyqty bir-birden aǵash otyrǵyzyp, «Tabıǵat» ekoodaǵynyń «jasyl aktsııasyn» qoldaýǵa shaqyrdy.