Ekinshi kúnniń qorytyndysy: Qazaqstandyq sportshylar dzıýdodan Azııa para oıyndarynda 2 altyn, 1 kúmis, 3 qol aldy

<p>Osy kúnderi Qytaıdyń Hanchjoý qalasynda IV Azııa para oıyndary ótip jatyr. Ekinshi jarys kúniniń qorytyndysy boıynsha Qazaqstan komandasy 6 medal jeńip aldy, onyń ishinde 2 &ndash; altyn, 1 &ndash; kúmis jáne 3 &ndash; qola, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Týrızm jáne sport mınıstrliginiń málimetinshe, para dzıýdodan Qazaqstan quramasy jalpy komandalyq esepte ekinshi orynǵa jaıǵasty.

Altyn medaldi Erǵalı Shameı (J1 sanaty) jáne Oljas Orazáliuly (J2 sanaty) jeńip aldy. Al kúmis medal ıegeri - Asylan Nurdáýletov (J1 sanaty). Qola júlde Dınara Kýdjýlova (J1 sanaty), Baýyrjan Arystanbekov (J1 sanaty) jáne Daıana Fedosova (J2 sanaty) syndy sportshylardyń enshisinde.

«Bizdiń para dzıýdoshylar búgin keremet nátıje kórsetti! Sportshylardy, jankúıerlerdi jáne, árıne, komandanyń jattyqtyrýshylar shtabyn osy jetistikpen quttyqtaımyn. Búkil elimiz dzıýdoshylarymyzdy maqtan tutady», - dedi QR Týrızm jáne sport mınıstri Ermek Marjyqpaev.

Aıta keteıik, para dzıýdo boıynsha jarystar 26 qazanǵa deıin jalǵasady.