Eýropa banki jańa tramvaılar satyp alýǵa 5 mlrd teńge bóledi

<p>PAVLODAR. KAZINFORM &ndash; Eýropa qaıta qurý jáne damý banki Pavlodar qalasyna tramvaılar satyp alýǵa 5 mlrd teńge qarajat bóletin boldy. Jańa vagondar avtonomdy júrý múmkindigine ıe.</p>

Pavlodar oblysynyń ákimdigi men Eýropa qaıta qurý jáne damý banki arasynda tramvaı jelisin jańǵyrtý jónindegi jobany qoldaý týraly kelisim-shartqa, sondaı-aq «Pavlodar qalasynyń tramvaı basqarmasy» AQ men EQDB arasynda nesıelik kelisimge qol qoıyldy.

Memleket basshysynyń tapsyrmasy boıynsha 2022 jyldan bastap jergilikti memlekettik organdar tramvaı jelisin jańǵyrtýdy qarjylandyrý máselesin pysyqtady. Barlyq shartty zerdelep, EQDB arqyly nesıe alý týraly sheshim qabyldandy. 

Foto: Valerıı Býgaev

Bank 25 jańa tramvaı satyp alý úshin 5 mlrd teńge qarajat bóledi. Vagondardy jetkizýshilerge qoıylatyn mindetti shart – ekologııa, qaýipsizdik jáne energııa únemdeýdiń úzdik salalyq standarttaryna sáıkes bolýy, sondaı-aq vagondardyń 20 km-ge deıin avtonomdy júrý múmkindigin qamtamasyz etý. 

Bul jolaýshy tasymalynyń sapasyn edáýir arttyryp, qozǵalys aralyǵyn qysqartýǵa múmkindik beredi. 

Eske sala keteıik, Temirtaýda synaq rejıminde tramvaı iske qosyldy.