Ekinshi jartyjyldyqta Qazaqstan ekonomıkasynyń ósýi baıaýlaıdy
«Ulttyq banktiń baǵalaýy boıynsha, Qazaqstan ekonomıkasynyń bıylǵy ekinshi jartyjyldyqta ósýi baıaýlaıdy. Biraq uzaq merzimdi áleýetti deńgeılerge jaqyn bolyp qalady. Ekonomıkanyń odan ári ósýi úshin negizgi táýekelder qazaqstandyq eksport úshin álemdik naryqtarǵa qol jetimdiliktiń tómendeýi jáne saýda áriptes-elderdegi ekonomıkanyń jańa jaǵdaılarǵa beıimdelýi bolyp tabylady», - dedi Ulttyq bank tóraǵasy
Ǵalymjan Pirmatov Dúnıejúzilik banktiń baǵalaýy boıynsha ınflıatsııa bıylǵy jyldyń ortasynda, Ekonomıkalyq yntymaqtastyq jáne damý uıymynyń derekteri boıynsha – 2023 jyldyń basynda sharyqtaý shegine jetetindigin aıtty.
«Odan keıin ınflıatsııa álemdik ekonomıka ósýiniń baıaýlaýynan, suranystyń tómendeýinen, taýar jetkizýge baılanysty jaǵdaıdyń jaqsarýynan tómendeı bastaıdy», - dedi Ulttyq bank basshysy.