Ekinshi jartyjyldyqta elimizde quny shamamen 600 mlrd. teńgeni quraıtyn 129 joba iske qosylmaq
Bul týraly búgin Úkimettiń keńeıtilgen otyrysynda QR Ekonomıkalyq damý jáne saýda mınıstri Qaırat Kelimbetov málim etti.
«Aǵymdaǵy jyldyń ekinshi jarty jyldyǵynda shamamen 600 mlrd. teńge somaǵa 129 jobany iske qosý josparlanyp otyr», - dedi ol.
Onyń atap ótýinshe, birinshi jartyjyldyqta jalpy quny 114,9 mlrd. teńgeden astam 75 joba iske qosylyp, 4 myńnan astam ýaqytsha jáne 6 myń turaqty jumys orny qamtamasyz etilgen. Alǵashqy jartyjyldyqta júzege asyrylǵan iri jobalar qatarynda «Eýrazııalyq energetıkalyq korporatsııa» kompanııasynyń Aqsý GRES №2 blogyn qalpyna keltirý, «Qazaqstan Kaspıan Offshor Indastrız» kompanııasynyń teńiz metall konstrýktsııalaryn óndirý boıynsha ónerkásiptik kesheni, «Altynalmas» AQ kompanııasynyń Aqbaqaı altyn óndirý fabrıkasy bar.