Ekinshi jáne úshinshi kezeńde qansha poıyzdyń qozǵalysy jandanatyny belgili boldy

NUR-SULTAN. QazAqparat –QR IIDM Kólik komıteti tórǵasynyń orynbasary Jánibek Taıjanov jolaýshylar poıyzdarynyń qozǵalysyn jandandyrýdyń ekinshi jáne úshinshi kezeńinde qandaı sharalar atqarylatynyn aıtty, dep habarlaıdy QazAqparat tilshisi.

«Jol júrý bıletterin satý bıylǵy 15 mamyrdan bastaldy. Búginde 293 myń bılet satyldy. Ekinshi kezeńde, ıaǵnı 2020 jyldyń 10 maýsymynan bastap 39 jup poıyzdyń qozǵalysyn jandandyrý josparlanǵan. Onyń ishinde alty «Talgo», 14 standardtty jáne 19 qala mańy poıyzy bar», - dedi J. Taıjanov.

Onyń sózine qaraǵanda, úshinshi kezeńde memlekettik shekaradan ótýge shekteýlerdi alyp tastaý sharalaryna qaraı 15 jup poıyzdyń qozǵalysy ashylady.

«Qazirgi kezde sanıtarlyq talaptarǵa sáıkes, barsha ınfraqurylymdyq nysandar tasymaldaý protsesine daıyndaldy. Jolaýshylar men poıyz brıgadasyn barynsha qorǵaý boıynsha tasymaldaý sharalary Kóliktegi memlekettik bas sanıtarlyq dárigerdiń nusqaýlaryna sáıkes iske asyrylady», - dedi J. Taıjanov.

Budan buryn habarlanǵandaı, birinshi kezeńde 1 maýsymnan bastap 54 jup poıyzdyń qozǵalysy jandanady. Onyń ishinde bes «Talgo», 31 standartty jáne 18 qala mańy poıyzy qamtylmaq.