Ekinshi «Pátýalar jınaǵy» kitaby jaryq kórdi

NUR-SULTAN. QazAqparat - Almatyda ótip jatqan Qazaqstan musylmandary dinı basqarmasy Ǵulamalar keńesiniń XXIV májilisinde ekinshi «Pátýalar jınaǵy» kitabynyń tusaýkeser rásimi ótti, dep habarlaıdy QazAqparat tilshisi.

Qazaqstan musylmandary dinı basqarmasy málimetinshe, Ǵulamalar keńesi ázirlegen, osymen ekinshi ret oqyrmanǵa jol tartqan ekinshi jınaqta qazirgi qoǵamda kóp talqylanyp júrgen keıbir máselelerdiń sharıǵı sheshimi men pátýasy toptastyrylǵan. Bul eńbek din qyzmetindegi ımamdarǵa, bilim-tárbıe salasynyń qyzmetkerlerine jáne jalpy musylman jurtshylyǵyna arnalǵan.

MUFTIYAT baspasynan shyqqan «Pátýalar jınaǵy» ekinshi kitabynyń jaýapty redaktory, naıb múftı – Ershat qajy Aǵybaıuly. Al baspaǵa daıyndaǵandar – QMDB Sharıǵat jáne pátýa bóliminiń mamandary - Hasan Amanqulov, Baýyrjan Ábdýalıev, Medet Qursaqov. Kitapqa Aqparat jáne qoǵamdyq damý mınıstrligi men QMDB-nyń saraptaý komıssııasynyń oń qorytyndysy berilgen.

Basqosýda sóz alǵan naıb múftı, Ǵulamalar keńesiniń hatshysy, PhD doktory Ershat qajy Ońǵarov qundy kitapta jazylǵan pátýalardyń musylman jamaǵatynyń rýhanı ómirinde alatyn orny men rólin aıryqsha atap ótti.

Bas múftı Serikbaı qajy Satybaldyuly kitapty shyǵaryp bergen QMDB «Zeket» qory ujymyna, qor dırektory Talǵat Omarovqa aıryqsha alǵysy men rııasyz rızashylyǵyn bildirdi.

Foto: www.muftyat.kz