Ekinshi orta salmaqtaǵy eń úzdik boksshy «GGG»-men bokstasqysy keledi

ASTANA.QazAqparat - Tanymal brıtandyq promoýter Eddı Hırn orta salmaqtaǵy álemniń eks-chempıony Gennadıı Golovkındi (38-1-1, 34 KO) ekinshi orta salmaqtyń eń úzdik boksshysy Kallým Smıtpen (25-0-0,18KO) bokstasýǵa shaqyrdy, dep habarlaıdy QazAqparat boxingscene-qa silteme jasap.

Eddı Hırnnyń aıtýynsha, Golovkın Kallým Smıttyń eń birinshi tańdaýy.

«Men jaqynda GGG-nyń menedjeri Tom Leffermen sóılestim. Alaıda, aldyńǵy aptadaǵy baspasóz máslıhatynan keıin habarlaspadyq. Smıt Golovkınmen bokstasqysy keledi. Meniń oıymsha, Smıt-Golovkın jekpe-jegi Enfıld stadıonyn (syıymdylyǵy 54 myń adam) kórermenge toltyra alady, qarjylyq tabysyda aıtarlyqtaı kóbeıer edi. Árıne, ol úshin GGG Alvares sııaqty ekinshi orta salmaqqa aýysýy kerek. Al Golovkın bul salmaqqa kelgisi kelse Kallým Smıt oǵan jaqsy tańdaý. Alaıda, Alvarespen úshinshi jekpe-jek aldynda ol bundaı táýekelge baratyn-barmaıtynyn bilmeımin»,-dedi Eddı Hırn.

Aıta keteıik, Kallým Smıt ekinshi orta salmaqta WBA tujyrymy boıynsha sýper chempıon jáne osy salmaqtaǵy álemdiń reıtıngte birinshi orynda.

Eddı Hırn qazaqstandyq Danııar Eleýsinov jáne anglııalyq Kell Brýk, Kallým Smıt jáne Entonı Djoshýa, amerıkalyq  Denıel Djekobs syndy tanymal boksshylardyń promoýteri.