Ekinshi Exit poll nátıjesi jarııalandy

ASTANA. QazAqparat – «Demokratııa ınstıtýty» ǵylymı-zertteý assotsıatsııasy qoǵamdyq birlestigi kezekten tys Májilis saılaýynyń alǵashqy Exit poll nátıjesin jarııalady, dep habarlaıdy QazAqparat tilshisi.

Bul nátıje Qazaqstan telearnasy ótkizip jatqan onlaın telemarafonda aıtyldy.

Osylaısha, júrgizgen Exit poll nátıjesi mynadaı:

1. Amanat partııasy – 53,33%

2. «Aýyl» halyqtyq-demokratııalyq partııasy – 11,26%

3. Respublica partııasy – 8,33%

4. Qazaqstan halyq partııasy – 6,93%

5. «Baıtaq» jasyldar partııasy – 2,51%

6. «Aq jol» Qazaqstan demokratııalyq partııasy – 8,87%

7.Jalpyulttyq sotsıal-demokratııalyq partııa – 5,12%.

Birlestik málimetinshe, saılaýshylardyń 54,83 paıyzy daýys berýge kelgen jáne onyń 3,65 paıyzy «Bárine qarsymyn» baǵanasyn tańdaǵan.

Aıta keteıik, elimizdiń barlyq óńirinde Májilis pen jergilikti máslıhattar depýtattaryn saılaý óz máresine jetti.

El boıynsha naqtylanǵan derekterge sáıkes, saılaýshylar tizimine 12 mln 35 004 saılaýshy engizildi. Jalpy, saǵat 20:00-degi jaǵdaı boıynsha respýblıkanyń 6 509 695 azamaty bıýlleten aldy. Ol tizimge engizilgen azamattardyń 54,09 paıyzyn quraıdy.