Ekinshi dúnıejúzilik soǵysta qazaqstandyqtar Máskeýdi qorǵap qaldy - Súleımenov
Onyń aıtýynsha, 1941 jyldyń 1 maýsymynda Keńes Odaǵynyń Eýropa elderi ishindegi sany eń kóp ári qýatty armııasy boldy. Armııa qatarynda 5 mln. 200 myń adam bar edi. Biraq, 1936-1939 jyldardaǵy saıası qýǵyn-súrgin áskerı joǵary laýazymdy shendilerdi joıyp jiberdi. Armııada marshaldar Býdennyı men Voroshılov qana qaldy.
«1941 jyldyń qyrkúıeginde Keńes odaǵynyń batys shekarasynda turǵan 4 mıllıonnan astam ásker tas-talqan boldy. Kóbi óldi, tutqynǵa túsip, birazy orman arasynda bas saýǵalap ketti. Bir mıllıon armııa shyǵys shekarada Kvantýn armııasyna qarsy turdy. Biraq japondyqtar barlaýshy Zorge málim etkendeı shabýyldy jasamaý týraly qol qoıylǵan aktini buzǵan joq. Barlaýshynyń sózine senýge májbúr bolǵan Stalın Máskeýdi qorǵaý úshin Sibir men Qıyr Shyǵystaǵy armııany shuǵyl keri shaqyrdy. Biraq, bul eshalondar aptalap jol júrdi, al ólgenderdiń ornyn basar eshkim joq. Baltyq jaǵalaýy, Belarýs jaý qolynda, fashıster Reseıdiń qalyń qonystanǵan bóligine dendep kirgen, Ýkraına ot qushaǵynda. Kavkaz ben Kavkaz maǵy joly kesilgen. Mundaı jaǵdaıda rezervti qaıdan alý kerek?. Mine osy kezde Qazaqstannyń taıaý aýdandary men oblystarynan alǵashqy brıgadalar, dıvızııalar jetti. Solar Máskeýge bara negizi Rjevsk pen Volokolamsk baǵyttaryn qorǵady», - dep atap ótti aqyn.
Onyń aıtýynsha, 14 qazanda Máskeýdi qorǵaýǵa Panfılov dıvııasy jetip, Volokolamsk tasjoly baǵytynda bekinis ornatsa, Rjesk baǵytyn 100, 101, 102 brıgadalary qorǵady.
«Bizdiń qazaqstandyqtar Rjevsk túbinde qaza tapqan 10 myń adamnyń esimin qaıta jańǵyrtty. Qazirgi ýaqytta biz qazaqstandyqtardyń Jeńiske qandaı úles qosqanyn bile bastadyq. Olar sibirlik jáne qıyrshyǵystyq bólimder kelgenge deıin Máskeýdi qutqardy dep aıta alamyz», - dedi Súleımenov.