Ekinshi dúnıejúzilik soǵysta qaza tapqan ShQO jaýyngeriniń súıegi Reseıde tabyldy
«Maıdan joly» Pavlodarlyq izdeý jasaǵyna Estafıı Ilıch Leskınniń týystaryn izdeýge kómek kórsetýdi surap reseılik izdeýshiler baılanysqan. Olardyń atasy sońǵy demine deıin shaıqasqanyn bilgenin qaladyq», - dedi «Maıdan joly» jasaǵynyń komandıri Aleksandr Shıtov.
Onyń aıtýynsha, reseılik «Gvardııa» izdeý jasaǵynyń sarbazdary Qyzyl armııa jaýyngeriniń súıegin Reseıdiń Smolensk oblysynyń Elnınsk aýdanynda tapqan. Olar jaýyngerdiń kim ekendigin anyqtaǵan. Ol 1911 jyly dúnıege kelgen Qazaq SSR Shyǵys Qazaqstan oblysynyń Tavrıcheskoe aýdany Azovka aýylynyń turǵyny Estafıı Ilıch Leskın bolyp shyǵady. Onyń jalǵyz týysy Evdokııa Kondratevna Knıazeva bolǵan. Marqum maıdanǵa Shyǵys Qazaqstan oblysy Prednegornensk aýdanynyń Prednegornensk komıssarıatynan 1939 jyldyń 19 qazanynda shaqyrylǵan.
Sońǵy qyzmet orny – 106 artıllerııa polkiniń 273 atqyshtar dıvızııasy. Shyǵý kúni – 1942 jyldyń qańtary, - dep qosty A. Shıtov. Marqum bazada «iz-tússiz joǵalǵan» dep tirkelgen.
Jaýyngerdiń týystary jaıly barlyq suraq boıynsha Aleksandr alex.shitov@mail.ru elektrondy poshtasy jáne 8777-461-73-78 nómiri arqyly baılanysýdy surady.