Ekibastuzdyń jylý jelilerin jańartýǵa 9, qazandyqtaryn jóndeýge 15 mlrd teńge jumsalady
«Qazirgi tańda Ekibastuz qalasynyń 5,3 km jylý jelilerin jańartýǵa 9 mlrd 064 mln 380 myń teńge kóleminde qarajat bólindi. Sonymen qatar, Pavlodar oblysynyń ákimdigi men «Ortalyq Azııa elektr energetıkalyq korporatsııasy» AQ arasynda jaýapkershilikti jergilikti atqarýshy organmen bólý bóliginde memorandýmǵa qol qoıdy. Ekibastuz jylý-elektr ortalyǵynyń sý jylytý jáne energetıkalyq qazandyqtaryn jóndeý boıynsha qajetti jumystardyń tizbesi aıqyndaldy. Memorandým sheńberinde JEO-nyń 5 sý jylytý qazandyǵy (№11-15) jáne 3 energetıkalyq qazandyq (№6, 7, 8), sondaı-aq qosalqy jabdyqtar, ǵımarattardy jóndeý jumystaryn menshik ıesimen tepe-teń negizde shamamen 15 mlrd teńge somaǵa júrgizý boıynsha is-sharalar ázirlendi», - dep jazady Roman Sklıar.
Sondaı-aq, nysandaǵy 5 sý jylytý qazandyǵynda jóndeý jumystarynyń esepteýleri júrgizilip jatyr.
«Budan basqa, jylýmen jabdyqtaýdyń temperatýralyq kestesin saqtamaýyna baılanysty «Ekibastuzteploenergo» JShS 2022 jylǵy qarashadan bastap (2023 jylǵy naýryzdy qosa alǵanda) jylý energııasy úshin qaıta esepteý júrgizdi. Sondaı-aq, aktsıonerlerdiń esebinen 2022 jylǵy jeltoqsanda jáne 2023 jylǵy qańtarda tutynýshylarǵa normatıvtik tutynýǵa sáıkes tutynylǵan elektr energııasy úshin ótemaqy jasaldy. Bul rette 2023 jyldyń aqpan jáne naýryz aılary úshin ótemaqyny jasaý máselelerin jergilikti atqarýshy organ jáne «OAEK» AQ pysyqtap jatyr», - dep jazady vıtse-Premer.