Ekibastuzdy damytýǵa 932,8 mlrd teńge jumsalady

NUR-SULTAN. QazAqparat – Úkimet otyrysynda Ekibastuz qalasyn áleýmettik-ekonomıkalyq damytýdyń 2025 jylǵa deıingi keshendi jospary talqylandy, dep habarlaıdy QazAqparat tilshisi.

QR Ulttyq ekonomıka mınıstri Áset Erǵalıevtiń aıtýynsha, qalanyń damytýǵa aldaǵy úsh jylda 932,8 mlrd teńge jumsalmaq.

«Keshendi jospar ınvestıtsııalyq jobalardy iske asyrýdy, turǵyn úı ınfarqurylymyn, áleýmettik salany damytýdy, azamattardyń qaýipsizdigin qamtamasyz etýdi jáne ekologııalyq máselelerdi jaqsartýdy kózdeıtin 114 is-sharadan turady.

Jospardy iske asyratyn ınvestıtsııalardyń jalpy somasy 932,8 mlrd teńgeni quraıdy. Onyń ishinde respýblıkalyq bıýdjetten 64,7 mlrd teńge, jergilikti bıýdjetten 33,5 mlrd teńge, jeke ınvestıtsııalar 834,6 mlrd teńge», - dedi mınıstr.

Onyń aıtýyna qaraǵanda, qarastyrylyp otyrǵan somany negizgi bóligi ekonomıkalyq salalarǵa baǵyttalmaq.

«Jalpy somasy 822,3 mlrd teńgege qalanyń ekonomıkasyn damytý úshin ónerkásipti, agroónerkásiptik keshendi, energetıkany, sondaı-aq, kásipkerlikti damytýǵa baǵyttalǵan 35 is-sharany iske asyrý kózdelgen», - dedi Áset Erǵalıev.