Ekibastuzdaǵy jaǵdaı: Qalaǵa Balalardyń quqyqtaryn qorǵaý komıtetiniń ókilderi attandy

ASTANA. QazAqparat – QR Oqý-aǵartý mınıstrligi Balalardyń quqyqtaryn qorǵaý komıtetiniń ókilderi Ekibastuzǵa attandy, dep habarlaıdy QazAqparat atalmysh mınıstrliktiń Telegram kanalyna silteme jasap.

Olar Ekibastuzda ornalasqan sapany qamtamasyz etý jónindegi aýmaqtyq departament mamandarymen, bilim basqarmasynyń qyzmetkerlerimen birge balalarǵa barlyq qajetti kómek kórsetý, oqý úrdisin onlaın formatta uıymdastyrý boıynsha jumys júrgizedi.

«Ekibastuz qalasyndaǵy qoldaý ortalyǵy men Jasóspirimder úıinen evakýatsııalanǵan balalar jas erekshelikterine qaraı «Bóbek» jáne «Baldáýren» nemese «Jas dáýren» oqý-saýyqtyrý lagerlerine jiberiledi. Onda balalar jaǵdaı turaqtalǵansha bilim alyp, saýyqtyrýdan ótedi. Sondaı-aq bos ýaqytty tıimdi ótkizý úshin is-sharalar uıymdastyrylady. Qazirgi ýaqytta balalar Pavlodarda»,-QR Oqý-aǵartý mınıstrliginiń baspasóz qyzmeti taratqan habarlamada.

Osyǵan deıin Ekibastuzdiń jylý júıesindegi apat saldarynan oqýshylar onlaın rejıminde oqıtynyn jazǵan bolatynbyz.

Sondaı-aq Ekibastuz qalasynyń ákimi qazirgi ýaqytta Ekibastuz jylý elektr ortalyǵyndaǵy ahýal turaqtanǵanyn habarlady.

«Úsh sý ysytatyn jáne eki energetıkalyq qazandyq shtattyq rejımde jumys istep tur. Taǵy bir sý ysytatyn qazandyqty paıdalanýǵa berý úshin qajetti is-sharalar qabyldanyp jatyr»,-dedi ákim.