Ekibastuzdaǵy tótenshe jaǵdaı: Sotqa deıingi tergeý bastaldy

PAVLODAR. QazAqparat – Ekibastuz qalasyndaǵy apatqa qatysty sotqa deıingi tergeý Pavlodar oblysy boıynsha Polıtsııa departamenti, Ekonomıkalyq tergeý departamenti jáne Sybaılas jemqorlyqqa qarsy is-qımyl departamenti qyzmetkerleriniń vedomstvoaralyq jedel tergeý tobyna tapsyryldy, dep habarlaıdy QazAqparat tilshisi.

«30 qarasha kúni Pavlodar oblysynyń prokýratýrasy jylý jelilerindegi iri zaqymdaný, jelilerde sý qysymynyń tómendetýi jáne «Ekibastuzjylýenergo» JShS-nyń sý jylytý qazandyqtarynyń toqtaý faktisi boıynsha QR Qylmystyq kodeksiniń 254-babymen (óz mindetterine nemquraıly qaraý) sotqa deıingi tergeýdi tirkedi. Ol úshin 5 jylǵa deıingi merzimge bas bostandyǵynan aıyrý túrindegi jaza kózdelgen», - delingen Pavlodar oblysy prokýratýrasynyń habarlamasynda.

Apat saldarynan birneshe ondaǵan kópqabatty jáne jeke turǵyn úıler, birqatar áleýmettik nysan jylýdan ajyratylyp, 123 turǵyn evakýatsııalandy. Onyń ishinde balalar da bar. Bilim berý nysandary qashyqtan oqytý formatyna kóshti, balabaqshalardyń jumysy toqtatyldy.
«Sotqa deıingi tergeý Pavlodar oblysy boıynsha Polıtsııa departamenti, Ekonomıkalyq tergeý departamenti jáne Sybaılas jemqorlyqqa qarsy is-qımyl departamenti qyzmetkerleriniń vedomstvoaralyq jedel tergeý tobyna tapsyryldy», - dep naqtylady qadaǵalaý organynan. Pavlodar oblysy prokýrorynyń qaýlysymen qylmystyq qýdalaýdyń zańdylyǵyn qadaǵalaýdy júzege asyrý boıynsha protsessýaldyq prokýrorlar toby aıqyndaldy.
Tergeý barysy oblys prokýrorynyń jeke baqylaýyna alyndy.
Buǵan deıin Ekibastuz turǵyndaryna jylý úshin tólem qaıta esepteletini habarlanǵan edi.

Avtory: Anton Gagarın.