Ekibastuzdaǵy «Shyǵys» razrezinde tsıkldy ashyq arnaly keshen jelisiniń iske qosylýy kómir óndirý deńgeıin joǵarylatýǵa múmkindik beredi

AVLODAR OBLYSY. Maýsymnyń 10-y. QazAqparat /Vera Lıvıntsova/ - Qazaqstanda «Eýroazııalyq energetıkalyq korporatsııa» AQ quramyna kiretin Ekibastuzdaǵy «Shyǵys» razrezinde alǵashqy tsıkldy ashyq arnaly keshen iske qosyldy.

TMD-daǵy mehanıkalandyrylǵan taý-ken kásipornynda byltyrǵy jyly 20 mln. tonnadan astam otyn alynǵan bolatyn.

Jańa keskin boıynsha, 150 metr tómendiktegi ekskavatorlar taý kenin júkti ózdiginen kóteretin «Komatsu» úlken mashınalaryna tıeıdi, olar osynda ornalasqan, aýaǵa shań-tozańdy az shyǵaratyn qurylǵylarmen qamtamasyz etilgen keshenge alyp shyǵady. Jalpy uzyndyǵy alty shaqyrym bolatyn konveıerler júıesi ónimdi syrtqa, úıindige shyǵarady.

«Jańa tehnologııalar qazba jumystarynyń kólemin jylyna on mln. tekshe metrge deıin jetkize alady. Bul kásiporynnyń bolashaqta damýyna, kómir qazbasynyń qýattylyǵyn turaqty ósirýge múmkindik beredi», - deıdi EEK prezıdenti Ábdiázim Rústembaev.

Aımaqtyń ındýstrııalandyrý kartasyna kirgen jobany júzege asyrý úshin aktsıonerlik qoǵam toǵyz mlrd. teńge kóleminde ınvestıtsııa salǵan.