Ekibastuzdaǵy káriz tazartý qurylǵylarynyń 85 paıyzy tozǵan - Serikqalı Brekeshev

PAVLODAR. QazAqparat – Pavlodar, Aqsý jáne Ekibastuz qalalaryndaǵy tazartý qurylǵylarynyń tozýy shamamen 85 paıyzdy quraıdy. Atalǵan óńir turǵyndarymen kezdesken Ekologııa, geologııa jáne tabıǵı resýrstar mınıstri Serikqalı Brekeshev osylaı málimdedi, dep habarlaıdy QazAqparat tilshisi.

«Eskirgen káriz tazartý qurylǵylarynyń problemasy alańdaýshylyq týǵyzady. Pavlodar, Aqsý jáne Ekibastuz qalalaryndaǵy tazartý qurylǵylarynyń tozýy shamamen 85 paıyzdy quraıdy. Pavlodar qalasynda tazartýdan keıin Ertis ózenine tógý júzege asyrylatynyn atap ótken jón. Ózenniń lastanýyna jol bermeý maqsatynda ákimdik káriz tazartý qurylǵylaryn jańǵyrtý jáne rekonstrýktsııalaý jóninde tıisti sharalar qabyldaýy qajet. Bul rette ákimdikke ekologııalyq tólemderden túsetin qarajat esebinen qarjylandyrý máselesin qarastyrý oryndy dep sanaımyz», - dep toqtaldy mınıstr.

Kezdesý barysynda Serikqalı Brekeshev ǵaryshtyq monıtorıng kezinde oblys aýmaǵynan anyqtalǵan 165 qoqys úıindisiniń 93 paıyzy kádege jaratyldy degen ákimdik aqparatyna kúmán keltirdi.

Foto: ortcom.kz