Ekibastuzda jylýǵa qosylmaǵan 4 jekemenshik turǵyn úı qaldy - ákim

EKІBASTUZ. QazAqparat - Qazirgi kezge deıin 18 jekemenshik turǵyn úıde jylý bolǵan joq, kúnniń sońyna deıin on tórt turǵyn úı jylýǵa qosylady. Osylaısha jylýǵa qosylmaǵan úılerdiń sany - tórteý. Bul týraly Pavlodar oblysy basshysynyń jetekshiligimen ótken jedel shtabtyń otyrysynda Ekibastuz qalasynyń ákimi aıtty, dep habarlaıdy QazAqparat.

Búgingi tańda Ekibastuzdyń barlyq kópqabatty úıleri jylýmen, ystyq jáne sýyq sýmen qamtamasyz etilgen.

Ókinishke qaraı, kvartalishilik jelilerdegi usaq sý ketýlerge baılanysty jekelegen úılerdi jylýdan ajyratý qajet bolyp jatyr.

Biraq, bul ýaqytsha sharalar, jóndeý jumystary jedel túrde júrgizilip, jylý úılerge qaıta berilip jatyr.

- Sonymen qatar turǵyndarǵa keltirilgen zalaldy óteý jumystary bastaldy. Berilgen ótinishterge sáıkes zardap shekken páterlerdi aralaý jalǵasýda. 121 páterde jeńil zaqymdaný anyqtalyp, olardyń qataryndaǵy 53 páterde jumystar bastaldy, - dedi Aıan Beısekın.

Oblystyq bilim basqarmasynyń basshysy Samal Aıtqazına alpys bes bilim berý mekemesiniń 45-de qajetti temperatýralyq rejım tolyq saqtalǵanyn habarlady.

Qalǵan uıymdarda jylýmen jabdyqtaý júıelerin teńgerimdeý júrgiziledi. Osydan keıin temperatýralyq rejım normatıvtik deńgeıge jetkiziledi.

Densaýlyq saqtaý obektilerine keler bolsaq, olardyń bári shtattyq rejımde jumys isteıdi.

Densaýlyq saqtaý basqarmasynyń basshysy Aıdar Sıtqazınovtyń aıtýynsha, qalalyq aýrýhanada 326 patsıent emdelýde, onyń ishinde 85 bala bar.

Apat bastalǵannan keıin ýaqytsha Pavlodar qalasyna kóshirilgen psıhıkalyq densaýlyq ortalyǵynyń 26 patsıentin 19 jeltoqsanda Ekibastuzǵa qaıtarý josparlanyp otyr.

«OAEK» AQ basqarma tóraǵasynyń orynbasary Leonıd ıAnýshkonyń aıtýynsha, eki kún ishinde stantsııa qyzmetin qalypqa keltirý úshin taǵy eki qazandyqty iske qosý josparlanǵan.

- Qazir basty mindet - JEO-nyń turaqty jumysyn qamtamasyz etý, - dep atap ótti óńir basshysy. - Qajetti qazandyqtardy iske qosyp, stantsııa jumysyn turaqtandyrǵannan keıin áleýmettik nysandardy oflaın rejımge kóshirý jóninde sheshim qabyldaımyz.

Asaıyn Baıhanov qala basshylyǵyna sýmen jabdyqtaý jáne elektr qýatyn óshirý máselelerin qatań baqylaýda ustaýdy, sondaı-aq, turǵyndardyń shaǵymdaryna ýaqtyly jaýap berýdi tapsyrdy.

Foto: Pavlodar oblysy ákiminiń baspasóz qyzmeti