Ekibastuzda jolaýshylar avtobýsy 8 jasar balany qaǵyp ketti

EKІBASTUZ. QazAqparat – Pavlodar oblysynda jolaýshylar avtobýsy jaıaý júrginshiler jolaǵynda 8 jasar qyz balany qaǵyp ketti, dep habarlaıdy QazAqparat pavlodarnews.kz saıtyna silteme jasap.

Oblystyq Polıtsııa departamentiniń málimetinshe, 25 qarasha kúni saǵat 14:42-de mýzykalyq mektepke qarsy jolda «Volvo» markaly №6 marshrýttyq avtobýsynyń 40 jastaǵy júrgizýshisi 2013 jyly týǵan qyz balany qaǵyp ketti. Oqýshy joldy retteletin jaıaý júrginshiler jolaǵymen ótip bara jatqan.

«Jol-kólik oqıǵasy saldarynan kámeletke tolmaǵan zardap shegýshi jaraqattarmen aýrýhanaǵa jetkizildi», - delingen PD habarlamasynda.

Avtobýs arnaıy aıypturaǵyna qoıyldy. Tekserý júrgizilip jatyr.