Ekibastuzda taǵy bir jylyjaı ashylýy múmkin

PAVLODAR. QazAqparat - Nur-Sultan qalasynda ótip jatqan HІІ ekonomıkalyq forým sheńberinde Pavlodar oblysynyń ákimi Bolat Baqaýov reseılik «Ekokýltýra» kompanııasynyń ókilderimen kezdesip, qııar ósiretin jylyjaı salý máselesin talqylady, dep habarlaıdy pavlodarnews.kz.

Atalmysh kásiporyn jumysynyń negizgi baǵyttary mıkrotyńaıtqyshtar jáne ósimdikterdi qorǵaý quraldaryn satý bolyp tabylady.

Aımaq basshysy reseılik kásipkerlerge jylyjaıdy Ekibastuz qalasynyń janyndaǵy №1 QAES-tyń aýmaǵynda ornalastyrýdy usyndy. Stantsııada óndiriletin arzan elektr jáne jylý energııasy kásiporynǵa jylyjaıdy tehnıkalyq sharttarmen qamtamasyz etýde mańyzdy ról atqarady.

«Qazirgi kezde stantsııada 25 Gıgokalorııa qýat kózderi bar.   1 kVatt quny 8 teńgeni quraıdy. Bul TMD elderi boıynsha eń arzan baǵa», - dedi oblys ákimi.

Reseılik kompanııanyń ókilderi kómirsýtektiń dıoksıdin alý máselesi de mazalaıtynyn jetkizdi.

Aımaq basshysy olarǵa Pavlodar munaı-hımııa zaýytynda óndiriletin kómirqyshqyl gazyn satyp alýdy usyndy. Kelissózder nátıjesinde taraptar Ekibastuz stantsııasynyń janynan jylyjaı qurylysyn bastaý týraly kelisimge keldi.

Oblys ákimi ınvestorlarǵa qoldan keletin kómektiń bárin kórsetýge ýáde berdi.