Ekibastuzda sý qubyry jaryldy

PAVLODAR. QazAqparat – Ekibastuzda taǵy da tótenshe jaǵdaı boldy, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Búgin, 30 jeltoqsanda saǵat 16:00 kezinde «qalalyq sý arnasy» MQK sý tazalaý qurylǵylary ornalasqan aýmaqta mekeme qyzmetkerleri jóndeý jumystaryn júrgizip jatqanda (topyraqtan sý shyǵyp jatqan) tehnıkalyq sý júıesiniń dıametri 500 mm bolatyn (plastıkalyq qubyr, JEO-ǵa saǵatyna 700 tonna sý jiberýge arnalǵan) bóligine zaqym kelgen.

Sonyń saldarynan JEO-ǵa sý barmaı qalǵan. Qazirgi tańda sý dıametri 150 mm bolatyn aýyzsýǵa arnalǵan qubyr arqyly (saǵatyna 150 tonna) jiberilip jatyr.

JEO-ǵa sý jiberetin ydystaǵy sýdyń deńgeıi 50 metr. Oqıǵa bolǵanǵa deıin 6,5 metr (6 500 tekshe metr) bolǵan. Júıede bolǵan apat saldarynan ydystardaǵy sý deńgeıi 2 saǵatta 1 metrge tómendep bara jatyr. Oqıǵa bolǵanǵa deıin jylý jelisine jiberiletin sý kólemi saǵatyna 600-700 tonna bolsa, qazirgi tańda ol saǵatyna 600 tonna bolyp otyr.

Jylý men sý qazir shtattyq jaǵdaıda berilip jatyr. «Qalalyq sý arnasy» mekemesi jáne Tótenshe jaǵdaılar departamentiniń kúshteriniń kómegimen sý sorǵytylyp, aǵyp ketetin jerleri bekitilip jatyr. Bul jumystarmen 20 adam, 2 tehnıka jáne 4 motopompa jumys istep jatyr.

Oqıǵa ornyna qala ákimdi men Pavlodar oblystyq Tótenshe jaǵdaılar departamentiniń basshylary shyqty.

Foto: abetterplumber.com