Ekibastuzda órtengen gaz quıý beketinde er adamnyń denesi tabyldy

EKІBASTUZ. QazAqparat – Pavlodar oblysy Tótenshe jaǵdaılar departamenti Ekibastuzdyń avtogaz quıý beketindegi órt sóndirilgenin málim etti, dep habarlaıdy QazAqparat.

«26 shilde saǵat 13:24-te Ekibastuz qalasy Qonaev, 5 kóshesinde ornalasqan AGQB gaz quıylǵan 4 rezervýar jandy. Sondaı-aq, oqıǵa ornynda shamamen 40 gaz ballon bolǵan. Órt jaqyn mańdaǵy «Ferýza» azyq-túlik dúkenine ótip, shamamen 200 sharshy metr aýmaqtaǵy shatyr, sondaı-aq 20 sharshy metr aýmaqtaǵy sý munarasynyń shatyry órtendi. Saǵat 15:22-de tsısternanyń janynan jas er adamnyń denesi tabyldy. Jeke basy anyqtalyp jatyr. Órt 15:00-de oqshaýlaýlanyp, 15:44-te sóndirildi. Oqıǵanyń mán-jaıy anyqtalady. Jeke sektor joldyń arǵy jaǵynda 100 m astam qashyqtyqta ornalasqan. Turǵyndardy evakýatsııalaý júrgizilgen joq», - delingen departament habarlamasynda.