Ekibastuzda bıiktigi jeti metr dombyra ornatylady
05:30, 30 Maýsym 2018
ASTANA. QazAqparat - Ulttyq dombyra kúnine oraı Ekibastuz qalasynda bıiktigi jeti metr dombyra ornatylady, dep habarlaıdy QazAqparat pavlodarnews.kz silteme jasap.
Ulttyq aspapty balalar tehnıkalyq mektebiniń pedagogtary men stýdentterdiń eńbek jasaqtary daıyndaǵan. Bul kúni Glınka atyndaǵy mýzyka mektebiniń 60 dombyrashydan qurylǵan ansambli bir mezgilde kúı oryndaıdy.
«Shahter» mádenıet jáne demalys saıabaǵynda aǵashtan jáne qaǵazdan dombyra daıyndaý boıynsha sheberlik sabaqtary ótkiziledi. Keshke qalanyń shyǵarmashylyq ujymdarynyń qatysýymen ótetin teatrlandyrylǵan qoıylymdarda dombyranyń paıda bolýy men onyń damý tarıhy týraly aıtylady.
Bos ýaqytty qamtý ortalyqtary men mýzyka mektebiniń vokaldyq ujymdary dombyrada 20-dan astam tanymal shyǵarma oınaıdy.