Ekibastuzda 2029 jylǵa deıin GRES-3 stansasy salynady

EKІBASTUZ. QazAqparat - Ekibastuzda kelesi jyly № 1 energııa blogyn paıdalanýǵa berý josparlanǵan, dep habarlaıdyQazAqparat Pavlodarnews agenttigine silteme jasap.

«Samuryq - Energo» AQ baspasóz qyzmetiniń málimetinshe, budan bólek, eki jańa energııa blogyn ornatý arqyly Ekibastuz GRES-2-ni keńeıtý boıynsha jumystar jalǵasady. Ekibastuz GRES-3 qurylysy boıynsha jobalaý aldyndaǵy is-sharalar bastaldy.

«Samuryq-Energo» AQ basshysy Serik Túıtebaevtyń aıtýynsha, el energetıkasyndaǵy negizgi ınfraqurylymdyq jobalar Ekibastuz ben Almaty energokeshenderinde júzege asyp jatyr.

– Birqatar jańa nysandar qazirdiń ózinde paıdalanýǵa berildi, basqalary boıynsha iske asyrý merzimi 2030 jylǵa deıin dep boljanyp otyr, – deıdi ol.

Onyń ishinde jańa elektr súzgilerin ornata otyryp, GRES-1-de №1 energııa blogyn qalpyna keltirý isi bar.

Joba stantsııanyń qýatyn jobalanǵan 4000 MVt-ǵa deıin arttyrady. Qurylys-montajdaý jumysyn aıaqtaý jáne blokty paıdalanýǵa berý 2023 jyldyń jeltoqsanyna josparlandy.

№3 energııa blogyn ornatý arqyly Ekibastuz GRES-2 keńeıtiledi jáne rekonstrýktsııalanady.

Jańa energııa blogynyń qurylysy stantsııanyń belgilengen qýatyn 636 MVt-ǵa ulǵaıtýǵa múmkindik beredi jáne jylyna qosymsha 4,8 mlrd kVtsaǵ energııa óndirýdi qamtamasyz etedi.

Іske asyrý merzimi – 2026 jylǵa deıin.

Al №4 energııa blogyn ornatý stantsııanyń belgilengen qýatyn 636 MVt-ǵa ulǵaıtýǵa jáne jylyna qosymsha 4,8 mlrd kVtsaǵ óndirýdi qamtamasyz etýge múmkindik beredi.

Іske asyrý merzimi – 2027 jyl.

№5 jáne № 6 energııa bloktaryn ornatý 2029-2030 jyldarǵa deıin aıaqtalady.

Sońǵy joba - Ekibastuz GRES-3 stansasyn salý.

Bul - qolda bar ınfraqurylymdy paıdalana otyryp jáne qorshaǵan ortaǵa lastaýshy shyǵaryndylardy azaıtý úshin jańa tehnologııany qoldaný arqyly parametrleri joǵary 1200 MVt jańa stantsııanyń jobasy.

Іske asyrý merzimi – 2028-2029 jyldar.

Foto: pavlodarnews.kz