Ekibastuz jylý elektr ortalyǵy kimniń esebinen jóndeledi

ASTANA. QazAqparat – Premer-Mınıstrdiń birinshi orynbasary Roman Sklıar Ekibastuz jylý elektr ortalyǵyn jóndeýge qatysty pikir bildirdi, dep habarlaıdy QazAqparat tilshisi.

«Bul másele áli de kún tártibinde tur. Eger jylý elektr ortalyǵy aktsııasynyń 50% memleketke berilse, onda biz jóndeý jumysyna memleketke tıesili úles boıynsha qarajat quıýǵa quqylymyz. Al ınvestor óz úlesine qaraı qarjy quıady. Basqa nusqalar da qaralady, sońǵy sheshim áli qabyldanǵan joq», - dedi Roman Sklıar Úkimet úıiniń kýlýarynda BAQ ókilderiniń saýalyna jaýap bere turyp.

Onyń aıtýynsha, naýryzdyń sońyna deıin tehnıkalyq aýdıt júredi.

«Aýdıt jumysynyń nátıjesin kúteıik. Múmkin jylý elektr ortalyǵynyń ıesi óz esebinen jóndeıtin shyǵar. Aldyn ala birdeńe deýge erte», - deıdi ol.

Eske salsaq, buǵan deıin Ekibastuz JEO-daǵy negizgi qazandyq keler aptada jóndeýden ótýi múmkindigi aıtylǵan edi.