Ekibastuz JEO-syndaǵy aqaý joıylyp, jylý qazandyqtary iske qosyldy

ASTANA. QazAqparat - Ekibastuzda JEO-daǵy aqaý joıylyp, 6 qazandyq iske qosyldy. Bul týraly QR Energetıka mınıstrliginiń baspasóz qyzmeti habarlady.

«2023 jylǵy 18 aqpanda saǵat 04.37-de Ekibastuz JEO-da sý jylytý bóliginiń jylý jelisin berý kollektory zaqymdandy. Nátıjesinde salqyndatqysh temperatýrasynyń parametrlerin tómendetý arqyly sý jylytý qazandyqtary toqtatyldy. Shamamen saǵat 20.00 kezinde jóndeý jumystary aıaqtaldy, kollektordy toltyrǵannan keıin saǵat 23.00-de jylý jelisiniń parametrlerin kóterý úshin kezek-kezek sý jylytý qazandyqtaryn iske qosylýy bastaldy.

Qazirgi ýaqytta Ekibastuz JEO-da 6 qazandyq jumys istep tur, jylý berý temperatýrasy 70 gradýs» delingen habarlamada.

Oqıǵa ornynda TJM, Atom jáne energetıkalyq qadaǵalaý jáne baqylaý komıteti ókilderiniń qatysýymen oblys ákimdiginiń jedel shtaby jumys isteýde. Bul másele Úkimettiń baqylaýynda.

Foto: Konstantın Shelkov