«Ekibastuz JEO-da №4 qazandyq isten shyqty» - aqparat feık
16:03, 02 Jeltoqsan 2022
ASTANA. QazAqparat - Ekibastuz jylý elektr ortalyǵynda №4 qazandyqtyń isten shyqqany týraly jelide taraǵan vıdeony «Ekibastuzjylýenergo» JShS teriske shyǵardy. QazAqparat bul týraly Stopfake.kz saıtyna silteme jasap habarlaıdy.
Kompanııanyń bas dırektory Pavel Melnıchýk №4 qazandyqtyń isten shyqqany týraly qaýesetti joqqa shyǵardy.
«Stantsııa shtattyq rejımde jumys istep tur, on qazandyqtyń altaýy istep tur. Olardyń úsheýi sýmen jylytylady, úsheýi energetıkalyq. Qazandyqtardy besinshiden bastap sanaımyz. Tórtinshi qazandyq 2000 jyldardyń basynan beri paıdalanylmaıdy», – dedi Melnıchýk.
Foto: stopfake.kz