Ekibastuz, Kentaý, Arqalyq qalalarynyń tozý deńgeıi 85% asty
«Qazirgi tańda Qazaqstanda 27 monoqala bar jáne olarda 1,4 mln adam turady. Kóbisinde uqsas, sheshilmegen problemalar az emes, ásirese jappaı kóship ketý, halyq sanynyń azaıýy, jumyssyzdyq, ınjenerlik-kólik ınfraqurylymnyń tozýy jáne áleýmettik ınfraqurylymnyń jetispeýshiligi men tómen materıaldyq-tehnıkalyq qamtylý baıqalady», - dedi depýtat Májilistiń jalpy otyrysynda.
Onyń aıtýynsha, Ekibastuz, Kentaý jáne Arqalyq qalalarynda sý jelileri, káriz, jylý jáne elektrmen jabdyqtaý júıelerdiń tozý mólsheri 85% asty. Arqalyqta joldardyń 80% astamy qanaǵattanarylyqsyz jaǵdaıda, al bala ólimi kórsetkishi 2022 jyly aldyndaǵy jylmen salystyrǵanda 40% artqan. Onyń negizgi sebepteri – medıtsına kadrlarynyń tapshylyǵy men densaýlyq saqtaý mekemeleriniń materıaldyq-tehnıkalyq bazasy deńgeıiniń tómendigi. Nátıjesinde halyqtyń 50% astamy basqa óńirlerge kóship ketýge májbúr boldy.
Osyǵan oraı, Ulttyq ekonomıka mınıstrligi men ákimdikter Altaı, Balqash, Jańatas, Qarataý, Lısakovsk, Rıdder, Serebrıansk, Stepnogorsk jáne Arqalyq sııaqty 10 qalany áleýmettik-ekonomıkalyq damytýdyń 2023-2027 jyldarǵa arnalǵan keshendi josparyn ázirlegen.
«Osy kúnge deıin bul josparlardy Úkimet bekitken joq. ıAǵnı, 2023 jyldan bastap iske asyrylýy tıis keshendi josparlar áli oryndalmaı otyr. Bul másele «AMANAT» partııasynyń saılaýaldy úgit-nasıhat jumysynda monoqalalardyń jurtshylyǵymen bolǵan kezdesýlerde az kóterilgen joq. Josparlardy ýaqytyly qabyldaý shaǵyn jáne orta bıznestiń jańa sýbektilerin ashý men ónerkásiptik óndiris kólemin ulǵaıtýǵa jáne jeke ınvestıtsııalar tartýǵa, bilim berý, densaýlyq saqtaý, mádenıet jáne sport obektilerinde qolaıly jaǵdaılar jasaýǵa, halyqty ortalyqtandyrylǵan sýmen qamtýdy jaqsartýǵa múmkindikter beredi. Osy atalǵandarǵa baılanysty Keshendi jospar jobalaryn Úkimettiń bekitýin jedeldetip, iske asyrýǵa kirisý qajet dep sanaımyz», - dedi Berik Beısenǵalıev.