Ekibastuz qalasynyń Solnechnyı kentinde ákim saılaýy ótti

EKІBASTUZ. QazAqparat – 23 sáýirde Ekibastuz qalasynyń Solnechnyı kentinde ákim saılaýy ótti, dep habarlaıdy QazAqparat tilshisi.

«Saılaý okrýgi boıynsha saılaýshylar tizimine 3847 azamat engizildi. Onyń 2027-si daýys berýge qatysty. Jaramsyz bıýlletender sany - 272, «Barlyǵyna qarsy» belgisi bar - 239. Ózin-ózi usyný tártibimen barlyǵy 4 kandıdat qujat tapsyrdy. 31 naýryzda QR memlekettik qyzmet salasyndaǵy zańnamasynyń talaptaryna sáıkes kelmeýine baılanysty bir úmitkerdi tirkeýden bas tartyldy. Ár kandıdatqa berilgen daýystar sany: E.E. Aqyltaev – 167, A.Á. Áýbákirov – 701, K.J. Rahymbekov – 648», - delingen Ekibastuz qalalyq aýmaqtyq saılaý komıssııasynyń qorytyndy qujatynda.

Saılaý nátıjesi boıynsha Solnechnyı kentiniń ákimi bolyp Álibek Áýbákirov saılandy. Ol - 1985 jyly týǵan, buǵan deıin atalǵan eldi meken ákiminiń orynbasary qyzmetin atqaryp kelgen.