Ekibastuz qalasy ákiminiń orynbasary tergeýge alyndy
QR Sybaılas jemqorlyqqa qarsy is-qımyl agentiginiń Telegram kanalynda osyndaı málimet tarady.
«Pavlodar oblysynda Ekibastuz qalasy ákiminiń orynbasary men qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń laýazymdy tulǵalaryna qatysty sotqa deıingi tergeý júrgizilýde.
Olar memlekettik satyp alý sharttary boıynsha oryndalǵan jumys aktilerine qol qoıǵany jáne jalpy qamqorlyǵy úshin merdigerlik uıymdardan júıeli túrde para aldy degen kúdikke ilindi», - dep jazylǵan agenttiktiń málimetinde.
Sondaı-aq, Qostanaı oblysynda «Azamattarǵa arnalǵan úkimet» memlekettik korporatsııasy kommertsııalyq emes aktsıonerlik qoǵamy bólimsheleriniń burynǵy basshylary ustalǵan kórinedi.
«Olar azamattardan jol qozǵalysy erejelerin bilý emtıhanynan ótkeni týraly blankilerdi eshqandaı synaqsyz beregin úshin aqshalaı syıaqy alatyn uıymdasqan topty quryp, basqaryp otyrǵan degen kúdikke ilindi. Uıymdasqan toptyń áreketinen jol erejelerin bilmeıtin júrgizýshiler kólik tizgindeý quqyǵyna ıe bolǵan. Bul azamattardyń ómiri men densaýlyǵyna qaýip tóndiredi», - dep jazady agenttiktiń baspasóz qyzmeti.