Ekibastuz ákimdiginde bomba bar dep ótirik aıtqan turǵyn ustaldy

EKІBASTUZ. QazAqparat - Ekibastuzda «ákimdik ǵımaratyna mına qoıyldy» dep jalǵan aqparat bergen terrorıst ustaldy, dep habarlaıdy QazAqparat polıtsııaǵa silteme jasap.

6 jeltoqsan kúni saǵat 20.30-da Ekibastuz polıtsııasyna ákimdik ǵımaratyna bomba qoıylǵany týraly habar túsken.

- Oqıǵa ornyna dereý búkil qyzmetter jiberildi. Jedel-tergeý tobynyń qyzmetkerleri ákimdik ǵımaratynda tekserý júrgizdi. Onyń barysynda ǵımaratta 3 qyzmetker boldy, evakýatsııa jasaldy. Ǵımarattan eshqandaı jarylǵysh qurylǵy tabylmady. Osy fakti boıynsha QR QK 273-baby boıynsha sotqa deıingi tergeý bastaldy. Tergeý nátıjesinde polıtsııa kúdiktini - Ekibastuz qalasynyń turǵynyn ustady. Ol óz kinásin moıyndady, - deıdi qalalyq PB bastyǵy Qaıyrjan Shaqarǵalıev.

Polıtsııa kúdiktiniń 2019 jyly dál osyndaı qylmys jasaǵany úshin sottalǵanyn atap ótti.