Ekibastuz-2 - Ereımentaý aýmaǵyndaǵy temir jol qozǵalysy qalpyna keltirildi

ASTANA. QazAqparat - 26 aqpan kúni saǵat 11:30-da Pavlodar temir jol bóliginiń Ekibastuz-2- Ereımentaý aýmaǵyndaǵy Shiderti-Bozshakól ótkelindegi qozǵalys tolyǵymen qalpyna keltirildi, dep habarlaıdy «QTJ-Júk tasymaldary» AQ baspasóz qyzmeti.

Kompanııa baspasóz qyzmetiniń habarlaýynsha, relsten kómir tıelgen vagondardyń taıyp ketýinen týyndaǵan jaǵdaıdy rettýge Ereımentaý, Pavlodar jáne Esil stansalarynyń qalpyna keltirý poıyzdary jumyldyryldy.

Qazirgi ýaqytta poıyzdardyń qatynaýy úshin jol ashyq. Al keshkken jolaýshylar tıisti jerge jetken soń «Temir jol kóligi týraly» jáne «QR temir jol kóligimen jolaýshylardy, júk jáne joljúkterdi tasymaldaý týraly» QR Zańdaryna sáıkes, tolyq ótemaqy ala alady.