Eki jylda aýdandarda 32 ınsýlt ortalyǵy ashylady – mınıstr

ASTANA. QazAqparat – Aldaǵy eki jyl ishinde elimizde jańa ınsýlt ortalyqtary ashylady. Bul týraly Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

«Otandyq neırohırýrgııa salasy joǵary qarqynmen damyp keledi. Bul sala boıynsha kóp eldiń aldyndamyz. Qazir biz zamanaýı tehonolııalardy engizýge erekshe nazar aýdaryp otyrmyz. ıAǵnı álemde qandaı jańa tehnologııa shyǵady, sony elimizge ákelý jolynda jumys júrip jatyr. Sonymen qatar neırohırýrgııany aýdandyq, aýyldyq jerlerde jáne jańadan ashylǵan oblystarda odan ári damytý máselesi tur. Odan bólek, neırohırýrgııa boıynsha ońaltý jáne profılaktılkalyq jumystarǵa úlken mán berip jatyrmyz»,- dedi Ajar Ǵınııat elordada ótip jatqan neırohırýrgtardyń V kongress barysynda BAQ ókilderiniń saýalyna jaýap bere turyp.

Mınıstrdiń aıtýynsha, atalǵan sala mamandary shetelde biliktiligin arttyrady, sol sııaqty sheteldiń úzdik mamandary elimizde shaqyralady.

«Búginde elimizde 71 ınsýlt ortalyǵy bar. Aldaǵy 2 jyldyń ishinde aýdan ortalyqtarda 32 ınsýlt ortalyǵy ashylady. Ol jerde tek neırohırýrgtar ǵana emes, kompıýterlik tomograftar, magnıtti-rezonansty vızýaldaý mamandary bolady», - deıdi vedomstvo basshysy.

Aıta keteıik, elordada otandyq neırohırýrgtardyń V kongresi ótip jatyr.

Sondaı-aq, Memleket basshysy ulttyq neırohırýrgııa ortalyǵyn 15 jyldyǵymen quttyqtaǵan edi.