Eki jylda «Ańsaǵan sábı» baǵdarlamasy boıynsha 4 myń náreste dúnıege keldi

ASTANA. QazAqparat – «Ańsaǵan sábı» baǵdarlamasy bastalǵannan beri 3 300 otbasynda 4 000 sábı dúnıege keldi. Bul týraly «Ashyq» NQA portalynda jarııalaǵan 2030 jylǵa deıin ana men bala densaýlyǵyn saqtaý qyzmetin damytý tujyrymdamasynda jazylǵan, dep habarlaıdy QazAqparat tilshisi.

«2020 jyly Memleket basshysy óziniń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda eldegi otbasylyq-demografııalyq ahýal zor alańdaýshylyq týdyryp otyrǵan məsele ekenin aıtyp, Úkimetke EKU kvotany 7 ese ulǵaıtýdy tapsyrdy. Osyǵan baılanysty mınıstrlik 2021 jyldan bastap jyl saıyn otbasylyq juptarǵa EKU júrgizýge 7 000 kvota berýmen «Ańsaǵan səbı» arnaýly baǵdarlamasyn iske asyrýda. Osy baǵdarlamanyń iske asyrylýy kezeńinde (2021-2022 jyldary) 14 000 áıel kvota aldy. Nátıjesinde 3 300 otbasynda 4 000 sábı dúnıege keldi, shamamen 2 500 áıel júktiligi boıynsha qaralýda», - delingen mınıstrlik aqparatynda.

Buǵan deıin habarlaǵanymyzdaı, aldaǵy 7 jylǵa arnalǵan Ana men bala densaýlyǵyn saqtaý qyzmetin damytý tujyrymdamasy ázirlendi.

Tujyrymdama 24 mamyrǵa deıin kópshilik talqylaýda bolady.