Eki toqsan tómen nátıje kórsetken memqyzmetshi jumystan shyǵarylady - Azamat Jolmanov

ASTANA. QazAqparat – Ortalyq kommýnıkatsııalar qyzmetinde ótken brıfıngide Memlekettik qyzmet isteri agenttigi tóraǵasynyń orynbasary Azamat Jolmanov qyzmetshilerdi baǵalaý tártipterin túsindirdi, dep habarlaıdy QazAqparat tilshisi.

«Memlekettik qyzmetshilerdi baǵalaý toqsan saıynǵy negizde júzege asyrylady. Oǵan sáıkes, 2 toqsan qatarynan qanaǵattanarlyqsyz baǵa alǵan qyzmetshiler laýazymynan tómendetiledi. Bos laýazym bolmaǵan jaǵdaıda, olar jumystan shyǵarylady», - dep túsindirdi Azamat Jolmanov.

Eske sala keteıik, buǵan deıin memlekettik qyzmetke irikteý konkýrsy onlaın júrgiziletinin habarlap edik.

Sonymen qosa, bıyl kúzde Prezıdenttik jastar kadrlyq rezervine kezekti irikteý ótedi.